I ent feel dis gine be de year TC get de big one.

Dat is what dis mongoose feel.

She just finish perform she big tune Hot Sun and Riddim – de one dat win she both de Sweet Soca Monarch and de Party Monarch title last Sunday up at Farley Hill.

But trust me, me and my mongoose friends watch she up at Farley Hill and me one watch she hey tonight and de performance tonight ent match up to de one dat win she de titles.

From de start, de performance was real-real shouty. De song is already a kinda tune dat require some power vocals and yuh got to guard against sounding like yuh hollerin’ at people but TC din manage dat. She did sound like she did hollerin’ down de people place so it look like it gine got to be two crowns fuh she dis Crop-Over season.