Peoples! De Crop-Over Mongoose back pun de loose again!

Yuh could believe it is a whole year since me and wunnuh last talk, doh?

Looka how time does fly!

Anyhow, I back again and I gine be down in Kensington Oval tonight to give wunnuh song-by-song updates from de Pic-o-de-Crop finals.

So get yuhself ready – hold a li’l food and settle in yuhself by de computer cos like Edwin say , we gine All Night Long.

Speakin’ of Edwin, I got to congratulate he pun winning another People’s Monarch title just a short while ago. Dat man ent easy when it come to hit-making hear?

In de meantime, leh we get t’ings started – send muh a comment and tell me who wunnuh got down to tek de crown tonight.

Yuh feel Adrian Clarke could hold on pun he title? Or wha bout de winningest man bout dat place – Red Plastic Bag?

Or could TC continue pun she winning streak and finally get de big one?

I gine see wunna in bout two hours’ time!